I arbeidet med å lage ein nasjonal handlingsplan for «Inn på tunet» vart Møreforsking invitert til å presentere rapporten «Inn på tunet i kommunal tenesteproduksjon». Rapporten frå Møreforsking er den første som analyserar kommunane sin ståstad i forhold til dette tenestetilbodet.
På møtet deltok representantar frå Kunnskaps- , Helse- og
omsorgs-, Arbeids-, Kommunal- og regional- og Landbruks- og matdepartementet. I tillegg møtte Møreforsking representantar
frå næringsorganisasjonane i landbruket, Matmerk, Norsk institutt for landbruksøkonomisk
forsking (NILF) og Universitetet for miljø og biovitskap (UMB).
Hovudfunna i rapporten
«Inn på tunet i kommunal
tenesteproduksjon» er at kommunane har god erfaring med å la ulike grupper få
tilrettelagte tilbod på gardsbruk, men dårleg økonomi og høge krav til
tilbydarane gjer at «Inn på tunet» blir nedprioritert.
Departementa og dei ulike næringsorganisasjonane viste stor
interesse for rapporten og vil vurdere å inkludere fleire av funna i det vidare
arbeidet med «Inn på tunet».
